အသုံးပြုမှု စည်းကမ်းများ

၁။ သင့်အကောင့်

မှန်ကန်သော email၊ အဖွဲ့အစည်းနှင့် ရည်ရွယ်ချက်ကို ဖော်ပြပါ။ အကောင့်တစ်ခုသည် လူတစ်ဦးအတွက်သာ ဖြစ်ပြီး မျှဝေသုံးစွဲ၍ မရပါ။ သင့် email ကို အတည်ပြုပြီးနောက် အသုံးပြုခွင့် ရရှိပါသည်။ MCARI သည် အကောင့်ကို အချိန်မရွေး ဆိုင်းငံ့ သို့မဟုတ် ပယ်ဖျက်နိုင်ပါသည်။

၂။ ဖြစ်စဉ်အဆင့် ဒေတာ အသုံးပြုခြင်း

ဖြစ်စဉ်အဆင့် ဒေတာကို သုတေသန၊ လူသားချင်းစာနာမှု၊ သတင်းစာပညာနှင့် တာဝန်ခံမှုဆိုင်ရာ လုပ်ငန်းများအတွက် ပေးထားပါသည်။ အောက်ပါတို့ကို မပြုလုပ်ရပါ—

• ဖြစ်စဉ်အဆင့် ဒေတာကို အလိုအလျောက်စနစ်ဖြင့် အစုလိုက် download ဆွဲခြင်း၊ scrape လုပ်ခြင်း သို့မဟုတ် စုဆောင်းခြင်း
• ဖြစ်စဉ်အဆင့် ဒေတာကို အစုလိုက် ပြန်လည်ထုတ်ဝေခြင်း (ဖြစ်စဉ်တစ်ခုချင်းကို ရင်းမြစ်ဖော်ပြ၍ ကိုးကားခြင်းကို ခွင့်ပြုပါသည်)
• MCARI ထံ ဖြစ်စဉ်များကို သတင်းပေးသူများ သို့မဟုတ် ဒေတာထဲရှိ မည်သူ့ကိုမဆို ဖော်ထုတ်ရန် ကြိုးစားခြင်း
• မည်သည့်လူ၊ လူ့အသိုင်းအဝိုင်း သို့မဟုတ် အုပ်စုကိုမဆို ပစ်မှတ်ထားရန် ဒေတာကို အသုံးပြုခြင်း

မြေပုံထက်ပိုသော အတန်းအဆင့် ဒေတာကို တောင်းခံမှသာ ၎င်းနှင့်အတူ ပါလာသော စည်းကမ်းများအရ ပေးအပ်ပါသည်။

၃။ ဒေတာ၏ ကန့်သတ်ချက်များ

MCARI သည် သတင်းဖော်ပြချက်များက အတည်ပြုသည့်အရာကို မှတ်တမ်းတင်ပါသည်။ သုည ဟူသည်မှာ ဖြစ်စဉ်မရှိခဲ့ခြင်းကို မဆိုလိုဘဲ မှတ်တမ်းတင်နိုင်ခဲ့ခြင်း မရှိခြင်းကိုသာ ဆိုလိုပြီး ကိန်းဂဏန်းများသည် အနည်းဆုံး ကိန်းများ ဖြစ်ပါသည်။ ဒေတာကို ရှိသည့်အတိုင်း အာမခံချက်မပါဘဲ ပေးအပ်ပါသည်။ ကန့်သတ်ချက်များကို MCARI သုတေသနနည်းလမ်းနှင့် ဒေတာလမ်းညွှန်တွင် ဖော်ပြထားပါသည်။

၄။ ဝန်ဆောင်မှုကို သင့်တင့်စွာ အသုံးပြုခြင်း

တောင်းဆိုမှုများကို အရေအတွက် ကန့်သတ်ထားပါသည်။ ကန့်သတ်ချက်ကို ရှောင်ကွင်းရန် သို့မဟုတ် ဖြစ်စဉ်အဆင့် ဒေတာကို အခြားနည်းဖြင့် ရယူရန် ကြိုးစားပါက အကောင့်ကို ပိတ်ပါမည်။

၅။ ကိုးကားပုံ

ဝက်ဘ်ဆိုက်ပါ ကိန်းဂဏန်းများကို ဤသို့ ကိုးကားပါ—

MCARI, Myanmar Conflict Data, [release], Myanmar Conflict Analysis Research Institute, mcari.org, accessed [date].

၆။ ပြောင်းလဲမှုများ

MCARI သည် ဤစည်းကမ်းများကို ပြောင်းလဲနိုင်ပါသည်။ လက်ရှိဗားရှင်းနှင့် ၎င်း၏ ရက်စွဲကို ဤစာမျက်နှာတွင် ဖော်ပြထားပါသည်။